قاعده فالبلكونه كالعاده
استغربت منه بالرغم من اللي هوو فيه لسه فاكر موضوعي ومركز فيه
قام بصلي بتفاجىء وقال بلهفة
= ايدك اليمين !!
– مالها ؟
مسك ايدي وقال
= انا اللي عملت كده صح ؟ ده بسبب اني مسكت ايدك بقوة وضغطت عليها بقى لونها ازرق !
– مفيش حاجة
= ازاي مفيش ؟
قعد على السرير وحط ايده على وشه وقال بنبرة عياط
= كنت هأذيكي ! بسبب غبائي وعدم تحكمي في اعصابي كنت هضرك
= انا لو عملتلك حاجة حتى لو مكنتش في وعيي مستحيل اسامح نفسي انا مش عايز أذيكي بأي شكل من الاشكال
– بس انا كويسة
قعد ساكت شوية وبعد كده قالي
= ممكن تليفونك اعمل منه مكالمة ؟
اديته التليفون ودخلت جوه البلكونة حسيته عايز يكلم حد في حاجة ومش عايزني اسمع المكالمة
= الو
= انا سيف يا مصطفى
* سيف ! برن عليه كتير تليفونك مقفول فينك انت ؟ وايه اللي حصل ؟ طب انت كويس ؟ وتليفون مين اللي بتكلمني منه ده ؟
* يعني انت في الجامعة انا هجيلك
= لا لا انا والله مش في الجامعة ثواني احكيلك كل حاجة
= ومش عارف اعمل ايه ؟
* اعمل اللي يريحك يا سيف
= حاولت ابعد عنها من 6 شهور بطلت اسأل عليها واشوف اخبارها لكن ظهرت تاني قدامي
= انا هبعد عنها نهائي هحاول انساها مع ان صعب جدا اعمل كده بس المهم هتفضل كويسة وبخير
= عايز منك يا مصطفى تشوف بيت لطيف كده في جنوب المحافظة
* حاضر ولما الاقي هرن عليك او اجيلك. يلا سلام يا سيف
= سلام يا مصطفى
قفل سيف التليفون ومسح المكالمة
قام لبس الجاكت بتاعه وجالي وقالي
= انا عايز امشي من هنا
– بس المفروض تقعد لغاية ما تبقى كويس
= انا كويس المهم تعالي معايا
خرجنا من المستشفى وروحنا عند محل كبير
سيف راح عند قسم الفواكه واخد طبق او علبة فراولة
– اووووه نقطة ضعفي وصلت !
جه عند الكاشير واشتراه وخرجنا من المحل
قعدنا عند موقف العربيات وفتح علبة الفراولة
كنت هموت واقوله عايزة وحدة بس اتكسفت ومسكت نفسي بالعافية
= كلي معايا
