مستحيل تكون حامل

بدأت تعمل أصواتها الغريبة اللي بتعملها كل مرة لما حد يدخل عندها الأوضة..
أصوات زي دي " هاااااااااااء.. هوووووووووع... اااااااااااااااء".

 الشيخ بيتقدم ناحيتها يسألها:

_ قولي لي يا ليندا.. كنتي تروحي فين مع ماما لما خرجتي معاها؟

  ليندا خايفة.. ساكتة مش بتتكلم.

 الشيخ مسك دماغها بقوة.. بغلظة.. بمنتهى القسوة.. ضغط عليها، كأن قطارين سكة حديد بيدهسوا رأس بني آدم.

يا ربي!   حرام كده.. البنت مسكينة.. بتصرخ.. بتتألم.. ايه ذنبها في كل ده؟

_ انطقي يا حمارة.. اتكلمي..

البنت مش قادرة تتكلم.. بتصرخ..

الشيخ طلع عصاية من جيبه، فرطها بيده بقت أكبر.. رجع خطوتين لورا، وبدأ يضربها بالعصاية على جسمها، ويلسعها بأطرافها على وشها..